കലാമണ്ഡലത്തിൽ കഥകളി മൈനർ ട്രൂപ്പ് ഉദ്ഘാടനം ചെയ്തു

ചെറുതുരുത്തി: കേരള കലാമണ്ഡലം കഥകളി മൈനർ സെറ്റി​െൻറ ഉദ്ഘാടനം കൂത്തമ്പലത്തിൽ കലാമണ്ഡലം ഗോപി ഉദ്ഘാടനം ചെയ്തു. വൈസ് ചാൻസലർ ഡോ. ടി.കെ. നാരായണൻ അധ്യക്ഷത വഹിച്ചു. രജിസ്ട്രാർ ഡോ. കെ.കെ. സുന്ദരേശൻ, എക്സിക്യൂട്ടീവ് ബോർഡ് മെമ്പർമാരായ വാസന്തി മേനോൻ, ടി.കെ. വാസു, അക്കാദമിക് ഡയറക്ടർ ഡോ.സി.എം. നീലകണ്ഠൻ, എം.പി.എസ്. നമ്പൂതിരി, എം. കൃഷ്ണകുമാർ, എസ്. ഗോപകുമാർ, വിദ്യാർഥി യൂനിയൻ പ്രതിനിധികളായ ദേവിക, അക്ഷയ എന്നിവർ സംസാരിച്ചു. തുടർന്ന് യുവ അധ്യാപകരും വിദ്യാർഥികളും പങ്കെടുത്ത 'ഉത്തരാസ്വയംവരം' കഥകളിയുമുണ്ടായി.