ബി.എസ്​.എൻ.എൽ 4^ജി ജൂണിൽ

ബി.എസ്.എൻ.എൽ 4-ജി ജൂണിൽ തൃശൂർ: ബി.എസ്.എൻ.എൽ മൊബൈൽ ഫോർ-ജി സേവനം ജൂൺ അവസാനേത്താടെ രാജ്യമാകെ ലഭ്യമാകും. ഇതിനായി കേന്ദ്ര സർക്കാർ 7,000 കോടി രൂപ അനുവദിക്കും. ബി.എസ്.എൻ.എൽ 5,500 കോടി രൂപയാണ് നീക്കിവെക്കുന്നത്. അടുത്തമാസം ഇക്കാര്യത്തിൽ അന്തിമ അനുമതിയാവും. മഹാനഗർ ടെലികോം നിഗം ലിമിറ്റഡി​െൻറ നിയന്ത്രണത്തിലുള്ള ഡൽഹി, മുംബൈ നഗരങ്ങളിൽ ഒഴികെ ഫോർ-ജി വ്യാപിപ്പിക്കാനാണ് ശ്രമം. നിലവിൽ ബി.എസ്.എൻ.എൽ ഫോർ-ജി സേവനം ലഭിക്കുന്നത് കേരളത്തിലെ ഉടുമ്പൻചോലയിൽ മാത്രമാണ്. ഒഡിഷയിലും പരീക്ഷണാടിസ്ഥാനത്തിൽ ഉടൻ ഫോർ-ജി വരും. പൊതുമേഖല സ്ഥാപനമായ ബി.എസ്.എൻ.എലിന് ഫോർ-ജി വിപുലമാക്കാൻ വേണ്ട അനുമതിയും പിന്തുണയും നൽകണമെന്ന് പാർലമ​െൻററി സ്റ്റാൻഡിങ് കമ്മിറ്റി കേന്ദ്ര സർക്കാറിനോട് ശിപാർശ ചെയ്തിട്ടുണ്ട്. സ്ഥാപനത്തി​െൻറ നിലനിൽപ്പിനും മത്സരക്ഷമതക്കും ഇത് അത്യാവശ്യമാണെന്നും അല്ലാത്തപക്ഷം മൊബൈൽ സേവന രംഗത്തുനിന്ന് ബി.എസ്.എൻ.എൽ പിന്തള്ളപ്പെടുമെന്നും സ്റ്റാൻഡിങ് കമ്മിറ്റി സർക്കാറിന് മുന്നറിയിപ്പ് നൽകിയിട്ടുണ്ട്. അതിനിടെ 5-ജി സേവനം തുടങ്ങുന്നതിന് നോക്കിയ, ഇസഡ് ടിഇ എന്നീ കമ്പനികളുമായി ബി.എസ്.എൻ.എൽ ധാരണപത്രം ഒപ്പുവെച്ചു. ഫോർ-ജി വ്യാപിപ്പിക്കാനുള്ള കരാറും ഇൗ കമ്പനികൾക്കാണ്. അടുത്തവർഷം ഫൈവ്-ജി വരുമെന്നാണ് ബി.എസ്.എൻ.എല്ലി​െൻറ പ്രതീക്ഷ. അടുത്ത ഒരു വർഷത്തിനിടക്ക് രാജ്യത്ത് ഒരു ലക്ഷം വൈഫൈ ഹോട്ട് സ്പോട്ട് സ്ഥാപിക്കാനും പദ്ധതിയുണ്ട്. ആകർഷകമായ താരിഫ് പ്ലാനുകളും മൊബൈൽ നമ്പർ േപാർട്ടബിലിറ്റിയും അടുത്തകാലത്ത് ബി.എസ്.എൻ.എല്ലി​െൻറ സ്വീകാര്യത വർധിക്കാൻ സഹായിച്ചിട്ടുണ്ട്. മൊബൈൽ സേവന രംഗത്തുനിന്ന് പിന്മാറുന്ന എയർസെല്ലി​െൻറ തമിഴ്നാട്ടിലെ 15 ലക്ഷത്തോളം ഉപഭോക്താക്കൾ ബി.എസ്.എൻ.എൽ കണക്ഷനിലേക്ക് മാറി. കേന്ദ്ര സർക്കാറിൽനിന്ന് വേണ്ടത്ര പിന്തുണ ഇല്ലാതിരുന്നിട്ടും ബി.എസ്.എൻ.എൽ നിലനിൽപ്പിനായി കടുത്ത പോരാട്ടത്തിലാണ്.