അഴിമതിക്കെതിരെ തെരുവുനാടകവുമായി വിജിലൻസ്

തൃശൂർ: അഴിമതിക്കെതിരെയുള്ള ബോധവത്കരണത്തിന് തെരുവ് നാടകവുമായി വിജിലൻസ് ആൻഡ് ആൻറി കറപ്ഷൻ വിഭാഗം വരുന്നു. തൃശൂർ വിജിലൻസ് ആൻഡ് ആൻറി കറപ്ഷൻ ബ്യൂറോയുടെ ആഭിമുഖ്യത്തിൽ ചൊവ്വാഴ്ച്ച നഗരപരിധിയിൽ വിവിധ കേന്ദ്രങ്ങളിൽ തെരുവ് നാടകം അവതരിപ്പിക്കും. ചെറുകാടി​െൻറ കാളിയമർദനം എന്ന ചെറുകഥയെ ആസ്പദമാക്കിയാണ് തെരുവോര നാടകം ഒരുക്കിയിരിക്കുന്നത്. ആവശ്യത്തിന് പലതവണ ഓഫിസ് കയറിയിറങ്ങേണ്ടി വന്ന സാമ്പത്തിക ശേഷിയില്ലാത്ത വ്യക്തിയും, ആ വിഭാഗത്തെ മനപ്പൂർവം അവഗണിക്കുകയും ചെയ്യുന്ന അധികാരി വർഗത്തി​െൻറ പ്രതിനിധികളും തമ്മിലുള്ള സംഘട്ടനത്തിലൂടെയാണ് നാടകാവതരണം. രംഗാവതരണത്തി​െൻറ വിവിധ ഘട്ടങ്ങളിൽ നാറാണത്ത് ഭ്രാന്ത‍​െൻറ ശക്തമായ ഇടപെടലിലൂടെ അഴിമതി/കൈക്കൂലി എന്ന പ്രതിഭാസം തുടർക്കഥയാണെന്നും അതിനെ നാം നേരിടണമെന്നുമുള്ള ആഹ്വാനത്തോടെയാണ് കാളിയമർദനം അവസാനിക്കുന്നത്. എ.ആർ. മദനനാണ് സംവിധാനം നിർവഹിച്ചിരിക്കുന്നത്. പ്രേംപ്രസാദാണ് രചന.