കാർഷിക ഉപകരണ വിതരണം

വാടാനപ്പള്ളി: തളിക്കുളം ബ്ലോക്കിനെ തരിശ് രഹിത ബ്ലോക്ക് ആക്കുക എന്ന ലക്ഷ്യത്തോടെ കരനെൽ കൃഷിയും പച്ചക്കറി കൃഷിയും വ്യാപകമാക്കാൻ തളിക്കുളം ബ്ലോക്ക് പഞ്ചായത്ത് കാർഷിക ഉപകരണങ്ങൾ വിതരണം ചെയ്തു. കുടുംബശ്രീ വനിത ഗ്രൂപ്പുകൾക്കാണ് 32.47 ലക്ഷം രൂപയുടെ ഉപകരണങ്ങൾ നൽകിയത്. തളിക്കുളം ബ്ലോക്ക് പ്രസിഡൻറ് ഡോ. എം.ആർ. സുഭാഷിണി വിതരണോദ്ഘാടനം നിർവഹിച്ചു. സ്ഥിരം സമിതി അധ്യക്ഷ ഗീത മണികണ്ഠൻ അധ്യക്ഷത വഹിച്ചു. അംഗങ്ങളായ രജനി ബാബു, ശാരദ പരമേശ്വരൻ, കെ.ബി. വാസന്തി, ബി.ഡി.ഒ അമ്മുകുട്ടി പി. സ്കറിയ, ജോസഫ് ജോഷി വർഗീസ് എന്നിവർ സംസാരിച്ചു.