രാഷ്​ട്രപതി സ്കൗട്ട് പരീക്ഷാഫലം പ്രസിദ്ധീകരിച്ചില്ല

തൃശൂർ: എസ്.എസ്.എൽ.സി പരീക്ഷക്ക് രണ്ട് ദിവസം മാത്രം ശേഷിക്കേ രാഷ്ട്രപതി സ്‌കൗട്ട് പരീക്ഷാഫലം ഇതുവരെ പ്രസിദ്ധീകരിച്ചില്ല. പരീക്ഷയിലെ ഗ്രേസ് മാർക്ക് നിശ്ചയിക്കേണ്ടത് ഈ പരീക്ഷ ഫലമാണ്. സ്കൗട്ടിങ്ങിലെ പരമോന്നതമായ രാഷ്ട്രപതി അവാർഡ്, ഗവർണർ നൽകുന്ന രാജ്യപുരസ്കാർ എന്നിവക്ക് വിദ്യാർഥികൾക്ക് എസ്.എസ്.എല്‍.സിക്ക് യഥാക്രമം 49, 24 വീതം മാർക്ക് ഗ്രേസ് മാര്‍ക്കായി ലഭിക്കും.1961ലാണ് രാഷ്ട്രപതി സ്കൗട്ട്/ഗൈഡ് അവാർഡുകൾ നൽകിത്തുടങ്ങിയത്. കഴിഞ്ഞ നവംബർ, ഡിസംബർ മാസങ്ങളിലായി സംസ്ഥാനത്തി​െൻറ വിവിധ കേന്ദ്രങ്ങളിലായാണ് സ്കൗട്ട്/ഗൈഡ് പരീക്ഷകൾ നടന്നത്. സംസ്ഥാനത്തെ സ്‌കൗട്ട് ചരിത്രത്തില്‍ ആദ്യമായാണ് കൂട്ടത്തോല്‍വി നേരിട്ട കഴിഞ്ഞ വർഷത്തി​െൻറ അനുഭവത്തിൽ കരുതലോടെയായിരുന്നു ഇത്തവണത്തെ പരീക്ഷ നടന്നത്. ആയിരത്തോളം പേരാണ് പരീക്ഷയെഴുതിയത്. രാജ്യത്ത് തന്നെ ഏറ്റവും കൂടുതൽ പേർ രാഷ്ട്രപതി പരീക്ഷയിൽ പങ്കെടുക്കുന്നതും കേരളത്തിൽ നിന്നാണ്. കേന്ദ്രസർക്കാർ കേരള സ്കൗട്ട് അസോസിയേഷനുമായി സഹകരിച്ചാണ് പരീക്ഷ നടത്തുക. ഇതി​െൻറ ഫലം ഡൽഹിയിൽ നിന്നും അറിയിക്കുകയാണ് പതിവ്. സാധാരണ ഫെബ്രുവരിയോടെ ഫലം പ്രഖ്യാപിക്കാറുണ്ടെന്നിരിക്കെ, ഇപ്പോൾ മാർച്ച് പകുതിയോടടുത്തിട്ടും ഫലം തയാറായിട്ടില്ല. എസ്.എസ്.എൽ.സി പരീക്ഷയെഴുതുന്ന വിദ്യാർഥികൾക്ക് ലഭിക്കുന്ന മാർക്കിനൊപ്പം ഗ്രേസ് മാർക്ക് കൂടി അനുവദിക്കണമെങ്കിൽ സ്കൗട്ട് പരീക്ഷാഫലം ലഭിക്കണം.