ഡയാലിസിസിന് വിദ്യാർഥികൾ സ്വരൂപിച്ച തുക കൈമാറി

താന്ന്യം: വൃക്കരോഗികൾക്ക് സൗജന്യമായി ഡയാലിസിസ് നടത്തുന്നതിന് വിദ്യാർഥികൾ സ്വരൂപിച്ച തുക പെരിങ്ങോട്ടുകര അസോസിയേഷൻ ഡയാലിസിസ് സ​െൻററിന് കൈമാറി. കിഴുപ്പിളിക്കര ഗവ. നളന്ദ ഹയർ സെക്കൻഡറി സ്കൂളിലെ എൻ.എസ്.എസ് വിദ്യാർഥികളാണ് തുക നൽകിയത്. അസോസിയേഷൻ സെക്രട്ടറി ജമാലിനാണ് തുക കൈമാറിയത്. പി.ആർ.ഒ സി.എൽ. ജോയ് അധ്യക്ഷത വഹിച്ചു. എൻ.എസ്.എസ് കോ-ഓഡിനേറ്റർ കെ.പി. വിനീത, എ.ബി. അനിത, അഫീസ്, ഷിബിഷ് എന്നിവർ സംസാരിച്ചു.