ലഹരിക്കെതിരെ യുവശക്തി

തൃശൂർ: അന്താരാഷ്ട്ര ലഹരി വിരുദ്ധ ദിനാചരണത്തോടനുബന്ധിച്ച് ബോധവത്കരണ റാലിയും പ്രതിജ്ഞയും നടന്നു. സ്റ്റുഡൻറ് പൊലീസ്, നിർഭയ, ജില്ല ശിശു സംരക്ഷണ വകുപ്പ് എന്നിവരുടെ നേതൃത്വത്തിലായിരുന്നു റാലി. തെക്കേ ഗോപുരനടയിൽ മേയർ അജിതജയരാജൻ ഫ്ലാഗ് ഓഫ് ചെയ്തു. ക്രൈം ഡിറ്റാച്ച്മ​െൻറ് എ.സി.പി. ബാബു കെ. തോമസ്, ജില്ല ചൈൽഡ് പ്രൊട്ടക്ഷൻ ഓഫിസർ കെ.ജി. രാഗപ്രിയ, പ്രേബഷനറി ഓഫിസർ ആർ. രോഷ്നി, ഈസ്റ്റ് സി.ഐ കെ.സി. സേതു, വനിത എസ്.ഐ പി.വി. സിന്ധു തുടങ്ങിയവർ സംസാരിച്ചു.