മഴയെ പേടിച്ച് ഗാന്ധിനഗർ നിവാസികൾ

കൂർക്കഞ്ചേരി: മഴ പെയ്താൽ മെട്രോ ആശുപത്രിക്കു സമീപം ഗാന്ധിനഗർ നിവാസികൾക്ക് ആധിയാണ്. കാരണം സമീപത്തെ തോട്ടിൽനിന്ന് മാലിന ജലം കവിഞ്ഞൊഴുകി ഇവിടെ വെള്ളക്കെട്ട് രൂപപ്പെടുന്നതാണ് പ്രശ്നം. ഈ മലിന ജലം ഒഴുകി വീടുകളിലേക്കും എത്തും. ഗന്ധം അസഹനീയവും. ശക്തൻമാർക്കറ്റിൽ നിന്നുള്ള മാലിന്യം തോട്ടിലൂടെ ഒഴുകി ഇവിടെ അടിഞ്ഞ് നിൽക്കുകയാണ്. ഇതുമൂലം പരിസരവാസികൾക്ക് പകർച്ചവ്യാധി ഭീഷണിയും ആരോഗ്യ പ്രശ്നങ്ങളുമുണ്ട്. മേയറുടെ സ്വന്തം ഡിവിഷനായിട്ടും മഴക്കാലത്തിനു മുമ്പ് തോട് ശുചീകരിച്ചില്ലെന്ന് ഗാന്ധിനഗർ നിവാസികൾ ആരോപിക്കുന്നു. മേയർക്ക് പരാതി നൽകിയിട്ടും പരിഹാരമുണ്ടായിട്ടില്ലത്രെ. മാലിനജലം വീട്ടുമുറ്റത്തും റോഡിലും കെട്ടിക്കിടക്കുകയുമാണ്. ഇതുമൂലം കടുത്ത മാനസിക അസ്വസ്ഥതയിലാണ് ഗാന്ധിനഗർ നിവാസികൾ.