കൊമ്പൻപാറ തടയണയുടെ അപ്രോച്ച് റോഡിൽ ചളി

ചാലക്കുടി: മേലൂർ പഞ്ചായത്തിലെ പൂലാനി കൊമ്പൻപാറ തടയണയുടെ അപ്രോച്ച് റോഡിലും റോഡിലേക്ക് ഇറങ്ങുന്ന ഭാഗത്തും ചളി നിറഞ്ഞത് ദുരിതമാകുന്നു. ചാലക്കുടിപ്പുഴയിൽ വെള്ളം ഉയർന്നതിനെ തുടർന്ന് അപ്രോച്ച് റോഡിലേക്കും വെള്ളം കയറിയിരുന്നു. വെള്ളം ഇറങ്ങിയപ്പോഴാണ് ചളി നിറഞ്ഞ അവസ്ഥ. അപ്രോച്ച് റോഡിലൂടെ നടക്കാനോ കടവിൽ കുളിക്കാനോ പറ്റാത്ത സ്ഥിതിയാണ്. പുഴയിലേക്ക് വഴുതി വീഴാനുള്ള സാധ്യതയേറെയാണ്. ചളി നിറഞ്ഞു കിടക്കുന്നതിനാൽ എന്ത് ചെയ്യുമെന്ന വിഷമാവസ്ഥയിലാണ് നാട്ടുകാർ.