കെ.എസ്.ആര്‍.ടി.സി റോഡിൽ ടൈല്‍വിരിക്കൽ തുടങ്ങി

തൃശൂര്‍: തകർന്നു കിടക്കുന്ന കെ.എസ്.ആര്‍.ടി.സി -കുളശ്ശേരി റോഡ് നവീകരണം തുടങ്ങി. പൊട്ടിപൊളിഞ്ഞ് കുണ്ടും കുഴിയുമായ ടാർ മുഴുവനായും ഇളക്കിയെടുത്തു. തുടർന്ന് സിമൻറ് ടൈൽ പാകുന്നതിനുള്ള പ്രവൃത്തിയാണ് പുരോഗമിക്കുന്നത്. അരികിലെ മണ്ണ് മൂടിയ കാനയും നവീകരിക്കുന്നുണ്ട്. ഇതി​െൻറ ഭാഗമായി റോഡിലൂടെയുള്ള ഗതാഗതം നിരോധിച്ചു. ക്ഷേത്രത്തോട് ചേർന്നുള്ള റോഡ് വര്‍ഷങ്ങളായി പൊട്ടിപൊളിഞ്ഞ നിലയിലാണ്. മന്ത്രി സുനിൽകുമാറി​െൻറ പ്രാദേശിക വികസനഫണ്ടിൽനിന്ന് 25 ലക്ഷം ചെലവിട്ടാണ് റോഡ് നവീകരണം തുടങ്ങിയത്. 20 ദിവസം കൊണ്ട് നവീകരണം പൂര്‍ത്തീകരിച്ച് റോഡ് പൊതുജനങ്ങള്‍ക്ക് തുറന്നുകൊടുക്കുമെന്ന് മന്ത്രി അറിയിച്ചു. റോഡ് ആരുടെതെന്ന കോര്‍പറേഷനും-കെ.എസ്.ആര്‍.ടി.സിയും തമ്മിലുള്ള തര്‍ക്കത്തെ തുടര്‍ന്നാണ് അറ്റകുപണി ഇത്രയുംകാലം നീണ്ടുപോയത്.