Begin typing your search above and press return to search.
exit_to_app
exit_to_app
Posted On
date_range 19 Jun 2018 5:44 AM GMT Updated On
date_range 19 Jun 2018 5:44 AM GMTതൃശൂർ പബ്ലിക് ലൈബ്രറി ജില്ല ലൈബ്രറി കൗൺസിൽ ഏറ്റെടുത്തു
text_fieldsbookmark_border
തൃശൂര്: തൃശൂര് പബ്ലിക് ലൈബ്രറി ജില്ല ലൈബ്രറി കൗണ്സിൽ ഏറ്റെടുത്തു. അഡ്ഹോക്ക് കമ്മിറ്റിയെയും തെരഞ്ഞെടുത്തു. സംസ്ഥാന ലൈബ്രറി കൗണ്സിലിെൻറ അംഗീകാരം കിട്ടുന്ന മുറക്ക് പ്രവർത്തനങ്ങൾ മുന്നോട്ടുകൊണ്ടുപോകുമെന്ന് അഡ്ഹോക്ക് കമ്മിറ്റി കൺവീനർ കൂടിയായ ജില്ല ലൈബ്രറി കൗണ്സില് സെക്രട്ടറി കെ.എന്. ഹരി വാർത്തസമ്മേളനത്തിൽ അറിയിച്ചു. ഹൈകോടതി വിധിയുടെ അടിസ്ഥാനത്തിൽ ഇക്കഴിഞ്ഞ ശനിയാഴ്ചയാണ് ഏറ്റെടുക്കാൻ തീരുമാനിച്ചത്. നിയമാനുസൃതമായി തെരഞ്ഞെടുപ്പ് നടത്താനാണിത്. ആറ് മാസത്തിനകം തെരഞ്ഞെടുപ്പ് നടത്തും. സംസ്ഥാന ലൈബ്രറി കൗണ്സിൽ അംഗം ടി.കെ. വാസു, താലൂക്ക് പ്രസിഡൻറ് പ്രഫ. എം. ഹരിദാസ് എന്നിവരാണ് അഡ്ഹോക്ക് കമ്മിറ്റിയിലെ മറ്റ് അംഗങ്ങൾ. തെരഞ്ഞെടുപ്പ് നടപടികളുടെ ഭാഗമായി പബ്ലിക് ലൈബ്രറിയിലെ അംഗത്വ രേഖ പരിശോധിക്കും. വായന പക്ഷാചരണത്തിെൻറ ജില്ലതല ഉദ്ഘാടനം ചൊവ്വാഴ്ച രാവിലെ 10ന് തൃശൂര് ഗവ. മോഡല് ബോയ്സ് ഹൈസ്കൂളില് കലക്ടര് ടി.വി. അനുപമ നിർവഹിക്കും. വാര്ത്തസമ്മേളനത്തില് ജില്ല ലൈബ്രറി കൗണ്സില് ഭാരവാഹികളായ രാജന് എലവത്തൂര്, കെ. രാമചന്ദ്രന് എന്നിവരും പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story