വിദ്യയിൽ സ്​കോളർഷിപ്​​ വിതരണം ഇന്ന്​

തൃശൂർ: തലക്കോട്ടുകര വിദ്യാ അക്കാദമി ഓഫ് സയൻസ് ആൻഡ് ടെക്നോളജിയിലെ വിദ്യാർഥികൾക്കുള്ള ഈ വർഷത്തെ സ്കോളർഷിപ് എൻഡോവ്മ​െൻറ് വിതരണം ഞായറാഴ്ച്ച ഉച്ചക്ക് 2.30ന് മന്ത്രി വി.എസ് സുനിൽകുമാർ ഉദ്ഘാടനം ചെയ്യും. ഇത്തവണ 226 കുട്ടികൾക്കാണ് സ്കോളർഷിപ്പും, എൻഡോവ്മ​െൻറും നൽകുന്നതെന്ന് പ്രിൻസിപ്പൽ ഡോ. സുധ ബാലഗോപാലൻ വാർത്തസമ്മേളനത്തിൽ അറിയിച്ചു. കൈപ്പറമ്പ്, വേലൂർ, ചൂണ്ടൽ പഞ്ചായത്തുകളിൽ ഉന്നത വിജയം നേടിയ 27 വിദ്യാർഥികളെ ആദരിക്കും. വാർത്തസമ്മേളനത്തിൽ വിദ്യാ അക്കാദമി രക്ഷാധികാരി കെ.പി.ആർ. വിജയൻ, ഡോ. എൻ. രാമചന്ദ്രൻ, വി.ജി. സന്ധ്യ, പി.സി. രമ്യ എന്നിവർ പെങ്കടുത്തു.