സുനിലി​െൻറ സ്വന്തം ബ്രസീൽ

തൃപ്രയാർ: ചുമട്ടുതൊഴിലാളിയായ കൂളിയേടത്ത് രാജൻ ബ്രസീലി​െൻറ കളി തുടങ്ങുന്ന ദിവസം ഗുണ്ടു പൊട്ടിക്കവേ കൈയിലിരുന്നു പൊട്ടി വിരലൊന്നു പോയി. ഗുണ്ടിനു തീ കൊടുക്കുന്നതിനിടെ ചെറിയ കുട്ടി ഓടി അരികിലേക്കു വരുന്നതു കണ്ടപ്പോൾ മാറ്റി പിടിച്ചതായിരുന്നു. അതിനിടെ ഗുണ്ടി​െൻറ തിരയിൽ തീ പടർന്നത് രാജൻ കണ്ടില്ല. അപകടം സംഭവിച്ചിട്ടും ഫുട്ബാളിനെ നെഞ്ചേറ്റുന്നതിൽ ഈ ലോകകപ്പ്വരെ കുറവൊന്നും വരുത്തിയിട്ടുമില്ല. വലപ്പാട് ഗവ. സാമൂഹിക ആരോഗ്യ കേന്ദ്രത്തിനു മുന്നിലെ ചുമട്ടുതൊഴിലാളിയാണ് രാജൻ. ഇവിടെ തന്നെയാണ് ഞാറ്റുവെട്ടി സുനിൽ ബ്രസീൽ എന്ന പേരിൽ ഹോട്ടൽ നടത്തുന്നത്. 1986ലെ ലോകകപ്പ് ഫുട്ബാൾ മത്സരത്തി​െൻറ ഒാളത്തിലായിരുന്നു ആ പേരിടൽ. ആദ്യകാലത്ത് ഹോട്ടലിനു മുന്നിൽ പന്തൽ കെട്ടി അതിൽ ടെലിവിഷൻ വെച്ച് നാട്ടുകാർ ഫുട്ബാൾകളി കണ്ടിരുന്നു. പ്രേക്ഷകർതന്നെയാണ് വലപ്പാട് ഫുട്ബാൾ അസോസിയേഷൻ രൂപവത്കരിച്ചത്. അതിനുശേഷം വിപുല സംവിധാനമൊരുക്കി വലപ്പാട് ഗവ. ഹൈസ്കൂൾ ഗ്രൗണ്ടിലേക്കു മാറുകയായിരുന്നുവെന്ന് സുനിൽ പറഞ്ഞു.