ദിലീപി​െൻറ തിയറ്റർ: ഭൂമി ​ൈകയേറ്റമില്ലെന്ന കലക്ടറുടെ റിപ്പോർട്ട്​ ഹാജരാക്കാൻ കോടതി നിർദേശം

തൃശൂർ: നടൻ ദിലീപി​െൻറ ഉടമസ്ഥതയിലുള്ള ചാലക്കുടിയിലെ ഡി സിനിമാസ് തിയറ്ററിന് ഭൂമി ൈകയേറിയിട്ടില്ലെന്ന കലക്ടറുടെ റിപ്പോർട്ട് ഹാജരാക്കാൻ തൃശൂർ വിജിലൻസ് കോടതി നിർദേശം. തൃശൂർ ഡിവൈ.എസ്.പിക്കാണ് തൃശൂർ വിജിലൻസ് കോടതി നിർദേശം നൽകിയത്. കലക്ടറുടെ നടപടി ൈകയേറ്റക്കാരനെ സഹായിക്കാനാണെന്നും ഇത് സംബന്ധിച്ച് വിജിലൻസ് ഡയറക്ടറോട് അന്വേഷിക്കാനും ആവശ്യപ്പെട്ട് പൊതുപ്രവർത്തകൻ പി.ഡി. ജോസഫ് നൽകിയ ഹരജിയിലാണ് കോടതിയുടെ നിർദേശം. ൈകയേറ്റമില്ലെന്ന് ചൂണ്ടിക്കാട്ടി വിജിലൻസ് നൽകിയ റിപ്പോർട്ട് തള്ളി എഫ്.ഐ.ആർ രജിസ്റ്റർ ചെയ്ത് അന്വേഷിക്കാൻ നേരത്തെ കോടതി ഉത്തരവിട്ടിരുന്നു. ഇതിൽ അന്വേഷണം നടക്കവേ ഇത്തരത്തിൽ കലക്ടർ റിപ്പോർട്ട് നൽകിയത് എന്തുകൊണ്ടെന്ന് കോടതി വിജിലൻസിനോട് ആരാഞ്ഞു. തൃശൂർ കലക്ടറേറ്റ് എൽ.ആർ വിഭാഗം ഡെപ്യൂട്ടി കലക്ടറുടെ നേതൃത്വത്തിൽ രൂപവത്കരിച്ച ഉദ്യോഗസ്ഥ സംഘം നടത്തിയ സൂക്ഷ്മ പരിശോധനക്കൊടുവിലാണ് ഭൂമി ൈകയേറ്റമില്ലെന്ന് കലക്ടർ റിപ്പോർട്ട് നൽകിയത്. ഡി സിനിമാസ് ഭൂമി ൈകയേറി നിർമിച്ചതാണെന്ന് തെളിയിക്കാനുള്ള രേഖകൾ ഹാജരാക്കാൻ ഹരജിക്കാരനും കഴിഞ്ഞില്ലെന്നും റിപ്പോർട്ടിൽ വ്യക്തമാക്കിയിരുന്നു.