പുണ്യം പൂത്ത ചന്തം

തൃശൂര്‍: വ്രതം ഒരു പരിചയാണ്. ദാരിദ്ര്യത്തെ സമൂഹത്തിൽനിന്ന് തുരത്താനുള്ള പരിച. അതുകൊണ്ട് തെന്ന ദേഹേച്ഛയെ പ്രതിരോധിക്കുന്നതിനൊപ്പം അത് സമൂഹത്തി​െൻറ വളർച്ചയെകൂടി ലക്ഷ്യമിടുന്നു. സഹോദര​െൻറ വിശപ്പ് ത​െൻറ കൂടിയാണെന്ന തിരിച്ചറിവ് നൽകുന്നു. അതെ, വിശപ്പിനെ തുരത്താനുള്ള സോഷ്യൽ എൻജിനീയറിങാണ് നോമ്പി​െൻറ സാമൂഹികത. ബന്ധങ്ങളിൽ അന്യവത്കരണം ഏറുന്ന ഇൗ ഉൗഷരകാലത്ത് വൈവിധ്യങ്ങളെ ഒരുചരടില്‍ കോര്‍ക്കുന്ന സൗഹൃദവും കൂടിയായി മാറുകയാണ് വ്രതം. ഇൗ വൈവിധ്യം പിന്നീട് സാമൂഹിക മാറ്റത്തി​െൻറ കൂടി അടിത്തറയാവുന്നു. ഒാരോ നാട്ടിലും വിശപ്പിനെ തുരത്താൻ ആയില്ലെങ്കിൽ റമദാനി​െൻറ മാനവികതയാണ് ചോദ്യചിഹ്നമാവുന്നത്. അയല്‍വാസികളും ഒപ്പം ജോലിചെയ്യുന്നവരുമൊക്കെ വട്ടംകൂട്ടിയുള്ള നേമ്പുതുറയുടെ സൗഹൃദമാനം ഇതുകൂടിയാവണം. ഇൗ ഒന്നാവൽ സമൂഹനന്മക്കുള്ള നീക്കിയിരിപ്പായി മാറേണ്ടതുണ്ട്. വ്രതത്തി​െൻറ ദിനങ്ങളില്‍ വന്നുപോയ പോരായ്മകള്‍ക്ക് സമൂഹത്തില്‍നിന്ന് വിശപ്പിനെ തുരത്തുകയാണ് പരിഹാരം. അതിനവൻ ഫിത്തര്‍സക്കാത്ത് വിതരണം ചെയ്യും. പെരുന്നാൾ ദിനത്തിൽ ത​െൻറ ചുറ്റുവട്ടത്തിലാരും വിശന്നിരിക്കരുതെന്നാണ് ഫിത്തര്‍സക്കാത്തി​െൻറ താൽപര്യം. അതെ വ്യക്തിയുടെ ആത്മീയ സമൃദ്ധിക്കൊപ്പം സാമൂഹികവളര്‍ച്ചയും കൂടി സാധ്യമാവുേമ്പാഴാണ് വ്രതം പരിവർത്തനം സൃഷ്ടിക്കുകയുള്ളൂ. കാരുണ്യത്തി​െൻറയും പാപമോചനത്തി​െൻറയും ഇരു പത്തുകള്‍ താണ്ടി വ്രതത്തി​െൻറ ആത്മാവ് തേടിയുള്ള പ്രയാണത്തിനൊടുവിൽ ഇൗ സാമൂഹികതയെ പൂൽകാനാവണം. ദാരിദ്ര്യത്താൽ എന്നും നോമ്പ് എടുക്കുന്നവർക്ക് 'പെരുന്നാൾ'ഒരുക്കാനായാൽ മാത്രമേ വിണ്ണിലെ ശവ്വാൽപിറ കൂടുതൽ പ്രശോഭിതമാവൂ.