സിവിൽ സർവിസ്-കെ.എ.എസ്​ ഓറിയ​േൻറഷൻ ക്യാമ്പ്​ നാളെ

തൃശൂർ: സംസ്ഥാന പി.ടി.എയുടെ ആഭിമുഖ്യത്തിൽ 2019ൽ സിവിൽ സർവിസ് പ്രിലിമിനറി പരീക്ഷ എഴുതുന്നവർക്കും കെ.എ.എസ് പരീക്ഷക്ക് തയാറെടുക്കുന്നവർക്കുമുള്ള ഓറിയേൻറഷൻ ക്യാമ്പ് ഞായറാഴ്ച 10ന് തൃശൂർ ചെമ്പൂക്കാവിലെ സിവിൽ സർവിസ് അക്കാദമിയിൽ നടക്കുമെന്ന് ഭാരവാഹികൾ അറിയിച്ചു. ആദ്യ ബാച്ചിൽ 20 പേർ സിവിൽ സർവിസ് പ്രിലിമിനറി പരീക്ഷയെഴുതി. കെ.എ.എസി​െൻറ ഒരു ബാച്ചും പരിശീലനം പൂർത്തിയാക്കി. സിവിൽ സർവിസ് പരിശീലനത്തിനുള്ള പുതിയ ബാച്ചുകൾ ജൂണിൽ ആരംഭിക്കും. വാർത്തസമ്മേളനത്തിൽ സംസ്ഥാന പി.ടി.എ പ്രസിഡൻറ് കെ.പി. രാധാകൃഷ്ണൻ, ജനറൽ സെക്രട്ടറി കെ.എം. ജയപ്രകാശ്, ട്രഷറർ പി.പി. ജേക്കബ്, വൈസ് പ്രസിഡൻറ് പി.എൻ. കൃഷ്ണൻകുട്ടി എന്നിവർ പങ്കെടുത്തു.