കട മുടക്കി കനത്ത മഴ

ഒരുമനയൂർ: കനത്ത മഴയിൽ ദേശീയപാത ഒരുമനയൂർ ഒറ്റതെങ്ങിലെ കടകളിൽ വെള്ളം കയറി. ഗതാഗതം തടസ്സപ്പെട്ടു. ഒരു മാസത്തിലധികം നീണ്ട പൈപ്പിടലും കുഴിയെടുക്കലും കാരണം ഇതുവഴി ബസുകളില്ലാതെ പ്രദേശവാസികൾ ദുരിതത്തിലായിരുന്നു. മഴ തുടങ്ങിയതോടെ വെള്ളക്കെട്ടുമായി. പൈപ്പിടാൻ കുഴിയെടുക്കുമ്പോൾ കാന നികന്നതിനാൽ തോടുകളിലേക്ക് വെള്ളമൊഴുകുന്നത് നിലച്ചതാണ് വെള്ളക്കെട്ടിന് കാരണമായത്. കുഴിയെടുത്ത ഭാഗങ്ങൾ കല്ലിട്ട് നികത്തിയെങ്കിലും വാഹനം ഓടിത്തുടങ്ങിയതോടെ പഴയതുപോലെ കുഴികൾ രൂപപ്പെട്ടു.