സി.ഒ. പൗലോസ്​ എൻഡോവ്മെൻറ് പാലോളിക്ക്

തൃശൂർ: അധികാര വികേന്ദ്രീകരണത്തിനും പ്രാദേശിക വികസനത്തിനും നൽകിയ സംഭാവനകളുടെ പേരിൽ സി.പി.എം നേതാവ് പാലോളി മുഹമ്മദ്കുട്ടിക്ക് ഈ വർഷത്തെ സി.ഒ. പൗലോസ് എൻഡോവ്മ​െൻറ്. 25,000 രൂപയും ഫലകവുമാണ് പുരസ്കാരം. ജൂൺ ഏഴിന് ഉച്ചക്ക് രണ്ടിന് റീജനൽ തിയറ്ററിൽ സി.പി.എം പോളിറ്റ് ബ്യൂറോ അംഗം എസ്. രാമചന്ദ്രൻപിള്ള പുരസ്കാരം സമ്മാനിക്കും. സി.െഎ.ടി.യു നേതാവും മുൻ രാജ്യസഭാംഗവുമായ സി.ഒ. പൗലോസ്മാസ്റ്ററുടെ സ്മരണക്ക് ഏർപ്പെടുത്തിയതാണ് പുരസ്കാരം.