അഗതിമന്ദിരം തുറന്നു

കൊടുങ്ങല്ലൂർ: പുല്ലൂറ്റ് വെളിച്ചം ചാരിറ്റബിൾ ട്രസ്റ്റി​െൻറ നേതൃത്വത്തിൽ . നിരാലംബരായ വൃദ്ധജനങ്ങളെ സംരക്ഷിക്കുന്നതിനായി മേഖലയിലെ സാമൂഹിക പ്രവർത്തകർ ചേർന്ന് രൂപം കൊടുത്ത സംരംഭമാണ് വെളിച്ചം ചാരിറ്റബിൾ ട്രസ്റ്റ്. പുല്ലൂറ്റ് നീലക്കംപാറയിലാണ് അഗതിമന്ദിരം. വി.ആർ. സുനിൽകുമാർ ഉദ്ഘാടനം നിർവഹിച്ചു. നഗരസഭ അധ്യക്ഷൻ കെ.ആർ. ജൈത്രൻ അധ്യക്ഷത വഹിച്ചു. ഇ.ടി. ടൈസൺ എം.എൽ.എ മുഖ്യാതിഥിയായിരുന്നു. കൊടുങ്ങല്ലൂർ തഹസിൽദാർ ജെസി സേവ്യർ, നഗരസഭ ഉപാധ്യക്ഷ ഹണി പിതാംബരൻ, എസ്.ഐ എം. മുകുന്ദൻ, താലൂക്കാശുപത്രി സൂപ്രണ്ട് ഡോ. ടി.വി. റോഷ്, പി.എച്ച്. അബ്ദുൽറഷീദ്, ഷീലാ രാജ്കമൽ, സി.എസ്. തിലകൻ തുടങ്ങിയവർ സംസാരിച്ചു. ട്രസ്റ്റ് ചെയർമാൻ പി.ആർ. ബാബു സ്വാഗതവും ട്രഷറർ കെ.പി. സുനിൽകുമാർ നന്ദിയും പറഞ്ഞു.