ജില്ലതല പ്ര​േവശനോത്സവം വരവൂരിൽ

തൃശൂർ: സ്കൂൾ പ്രവേശനോത്സവത്തി​െൻറ ജില്ലതല ഉദ്ഘാടനം വരവൂർ എൽ.പി സ്കൂളിൽ നടക്കും. രാവിലെ 9.30 ന് മന്ത്രി എ.സി. മൊയ്തീൻ ഉദ്ഘാടനം ചെയ്യും. യു.ആര്‍. പ്രദീപ് എം.എല്‍.എ അധ്യക്ഷത വഹിക്കും. സ്‌കൂളി​െൻറ 50ാം വാര്‍ഷിക ഉദ്ഘാടനം ജില്ല പഞ്ചായത്ത് പ്രസിഡൻറ് മേരി തോമസ് നിര്‍വഹിക്കും. ജില്ല പഞ്ചായത്ത് സ്ഥിരം സമിതി അധ്യക്ഷ മഞ്ജുള അരുണന്‍ പ്രവേശനോത്സവ സന്ദേശം നല്‍കും. കോർപറേഷൻതല സ്കൂൾ പ്രവശനോത്സവം പൂങ്കുന്നം ഗവ.എച്ച്.എസ്.എസിൽ മേയർ അജിത ജയരാജൻ ഉദ്ഘാടനം ചെയ്യും. നവാഗതരെ സ്വീകരിക്കൽ, പഠനോപകരണം, പാഠപുസ്തകം, യൂനിഫോം എന്നിവയുടെ വിതരണവും ചടങ്ങിൽ നടക്കും. എല്ലാ സ്കൂളുകളിലും ബി.ആർ.സി, യു.ആർ.സി തലങ്ങളിലും പ്രവേശനോത്സവം നടക്കും.