എസ്.എസ്.എല്‍.സി വിജയികൾക്കുള്ള അവാര്‍ഡ് വിതരണം

മാള: കുഴിക്കാട്ടുശേരി പി.കെ. പത്മനാഭൻ സ്മാരക ട്രസ്റ്റ് ആഭിമുഖ്യത്തില്‍ എസ്.എസ്.എല്‍.സിക്ക് എ പ്ലസ് നേടിയ വിദ്യാർഥികൾക്ക് അവാര്‍ഡ് വിതരണം കെ.യു. അരുണന്‍ എം.എല്‍.എ ഉദ്ഘാടനം ചെയ്തു. ആളൂര്‍ പഞ്ചായത്ത് കമ്യൂണിറ്റി ഹാളില്‍ നടന്ന ചടങ്ങില്‍ സംഘാടക സമിതി പ്രസിഡൻറ് പി.കെ. ഡേവീസ് അധ്യക്ഷത വഹിച്ചു. ആളൂര്‍ പഞ്ചായത്ത് പ്രസിഡൻറ് സന്ധ്യ നൈസന്‍, ജില്ല പഞ്ചായത്തംഗം കാതറിന്‍ പോള്‍, പോള്‍ കോക്കാട്ട്, എം.എസ്. മൊയ്തീന്‍, കെ.ആര്‍. ജോജോ എന്നിവര്‍ സംസാരിച്ചു. തെരഞ്ഞെടുക്കപ്പെട്ട 10 വിദ്യാർഥികള്‍ക്ക് കൊമ്പൊടിഞ്ഞാമാക്കല്‍ കടമ്പാട്ട് ജ്വല്ലറി ഉടമ ആൻറണി കടമ്പാട്ട് ഏര്‍പ്പെടുത്തിയ കാഷ് അവാർഡ് സി.പി.എം മാള ഏരിയ സെക്രട്ടറി എം. രാജേഷ് വിതരണം ചെയ്തു. മാള ഏരിയയിലെ ഏഴ് പഞ്ചായത്തുകളില്‍ എസ്. എസ്.എല്‍.സിയിൽ മുഴുവന്‍ എ പ്ലസ് നേടിയ 143 വിദ്യാർഥികള്‍ക്ക് കാഷ് അവാര്‍ഡ്, െമമേൻറാ, 100 ശതമാനം വിജയം കൈവരിച്ച 12 സ്കൂളുകളെ ആദരിക്കൽ എന്നിവ നടത്തി. വിവിധ മേഖലകളിലെ പ്രതിഭകളെയും ആദരിച്ചു. ട്രസ്റ്റി​െൻറ വാര്‍ഷികത്തോടനുബന്ധിച്ചായിരുന്നു ചടങ്ങ്.