തീര പഞ്ചായത്തുകളിൽ കടലാക്രമണം രൂക്ഷം

വാടാനപ്പള്ളി: തളിക്കുളം, വാടാനപ്പള്ളി, ഏങ്ങണ്ടിയൂർ പഞ്ചായത്തുകളുടെ തീരങ്ങളിൽ കടലാക്രമണം രൂക്ഷം. നിരവധി വീടുകൾ ഭീഷണിയിൽ. തിങ്കളാഴ്ച ഉച്ചക്ക് ശേഷമാണ് കടൽ ഇരമ്പിയത്. വാടാനപ്പള്ളി ബീച്ചിലെ സീ വാൾ റോഡ് ഏതു നിമിഷവും ഒലിച്ചുപോകും. റോഡി​െൻറ അരിക് വരെ വെള്ളം അടിച്ചു കയറുകയാണ്. പൊക്കാഞ്ചേരി ബീച്ചിലും റോഡ് തകർന്ന് വെള്ളം വീടുകളിലേക്ക് കയറി. ഏത്തായ്, പൊക്കുളങ്ങര ബീച്ചുകളിൽ ശക്തമായ കടലാക്രമണമാണ്. റോഡുകൾ ഒലിച്ചുപോയതോടെ ഇവിടത്തെ ഗതാഗതം താറുമാറായി. തെക്ക് കനാൽ പൊട്ടിച്ചതോടെ വെള്ളം കടലിലേക്ക് ഒഴുകുന്നുണ്ട്. കടലാക്രമണവും മഴയും മൂലം തീരദേശവാസികൾ പണിയില്ലാതെ കഷ്ടപ്പെടുകയാണ്.