കയർ തൊഴിലാളികളുടെ മാർച്ച്​

മാള: കെ.എസ്.ഇ.ബി പുത്തൻചിറ സെക്ഷൻ ഓഫിസിലേക്ക് കയർ തൊഴിലാളി ഫെഡറേഷൻ (എ.ഐ.ടി.യു.സി) ആഭിമുഖ്യത്തിൽ ബുധനാഴ്ച രാവിലെ പത്തിന് മാർച്ചും ധർണയും നടത്തും. പുത്തൻചിറ കയർ വ്യവസായ സംഘം പത്ത് ലക്ഷം ചെലവിൽ സ്ഥാപിച്ച മെഷീൻ പ്രവർത്തിക്കാൻ വൈദ്യുതി കണക്ഷൻ ലഭിക്കുന്നതിന് അപേക്ഷ നൽകിയിരുന്നു. കണക്ഷൻ നൽകുന്നത് വൈകിപ്പിച്ച സബ് എൻജിനീയറെ ചോദ്യം ചെയ്ത സംഘം പ്രസിഡൻറ് എൻ.സി സർവനെ ആക്ഷേപിച്ചതിലും കേസ് എടുത്തതിലും പ്രതിഷേധിച്ചാണ് മാർച്ച്. നാല് പതിറ്റാണ്ടായി പ്രവർത്തിക്കുന്ന സംഘത്തിൽ നൂറോളം തൊഴിലാളികളുണ്ട്.