പ്രഭാഷണവും അനുമോദനവും

മാള: ഫ്രൈഡേ ക്ലബ് മാളയുടെ ആഭിമുഖ്യത്തിൽ 'ഇന്ത്യൻ സ്വാതന്ത്ര്യ സമര ചരിത്രം: മുസ്ലിം സംഭാവനകൾ' എന്ന വിഷയത്തിൽ പ്രഭാഷണവും, കാലിക്കറ്റ് യൂനിവേഴ്സിറ്റി ബി.കോം റാങ്ക് ജേതാവും ഐ.എസ്.ടി പൂർവ വിദ്യാർഥിയുമായ അഷിത ഷെരീഫിന് അനുമോദനവും സംഘടിപ്പിച്ചു. സി.കെ.ബി. വാളൂർ മുഖ്യപ്രഭാഷണം നടത്തി. പ്രസിഡൻറ് ഡോ. കെ.കെ. അബ്ദുസ്സലാം അധ്യക്ഷത വഹിച്ചു. ഐ.എസ്.ടി ചെയർമാൻ ടി.എ. മുഹമ്മദ് മൗലവി, ഫ്രൈഡേ ക്ലബ് ജന. സെക്രട്ടറി താഹ ഹഫീസ്, മാള മഹല്ല് കമ്മിറ്റി സെക്രട്ടറി എ.എ. അബ്ദുന്നാസർ, ഉസ്മാൻ പാപ്പരത്ത്, റിയാസ് ഇബ്രാഹിം എന്നിവർ സംസാരിച്ചു. കെ.പി. നൗഷാദ് ഖുർആൻ പാരായണം നിർവഹിച്ചു.