കേസ്​ നിലനിൽക്കെ ഭർത്താവ്​ രണ്ടാം വിവാഹം ചെയ്​തതിനെതിരെ യുവതി രംഗത്ത്​

തൃശൂർ: ചെലവിന് ലഭിക്കുന്നതിനും ഗാർഹിക പീഡനത്തിനും എതിരെ കേസ് നിലനിൽക്കെ ഭർത്താവ് രണ്ടാം വിവാഹം ചെയ്തതിനെതിരെ ഭാര്യ രംഗത്ത്. കേസ് നിലനിൽക്കെ തന്നെ രണ്ടു തവണ ത്വലാക്ക് ചൊല്ലിയശേഷമാണ് ഭർത്താവ് അഷ്റഫ് രണ്ടാം വിവാഹം ചെയ്തതെന്ന് മതിലകം മതിൽമൂല ചാമവളപ്പിൽ രഹ്ന വാർത്തസമ്മേളനത്തിൽ പറഞ്ഞു. മലപ്പുറത്തുനിന്നാണ് അഷ്റഫ് വിവാഹം ചെയ്തത്. ആ ഭാര്യയെ ഒഴിവാക്കി അഷ്റഫ് ത​െൻറ കൂടെ താമസിക്കണം. അതിന് സാധ്യമല്ലെങ്കിൽ നിയമാനുസൃതം വിവാഹ ബന്ധം വേർപ്പെടുത്തുകയും തനിക്ക് ജീവനാംശം നൽകുകയും വേണം-രണ്ടു പെൺകുട്ടികളുടെ മാതാവായ രഹ്ന പറഞ്ഞു. കഴിഞ്ഞ രണ്ടര വർഷമായി അഷ്റഫിനെതിരെ രഹ്ന നൽകിയ കേസ് ഇരിങ്ങാലക്കുട കുടുംബ കോടതിയിൽ നടക്കുകയാണ്. ഗാർഹിക പീഡനത്തിന് രണ്ടു വർഷമായി മറ്റൊരു കേസും നടക്കുന്നുണ്ട്.