ബൈക്ക് മോഷണമെന്ന് സംശയം

മുളങ്കുന്നത്തുകാവ്: ഗവ. മെഡിക്കൽ കോളജ് ആശുപത്രി വളപ്പിൽനിന്ന് ബൈക്ക് മോഷ്്ടിക്കുന്നവരെന്ന സംശയത്താൽ രണ്ടുപേരെ പൊലീസ് പിടികൂടി. വ്യാഴാഴ്ച രാവിലെ മുതൽ മെഡിക്കൽ കോളജ് ആശുപത്രി വാഹന പാർക്കിങ് മേഖലയിൽ കറങ്ങി നടന്നിരുന്ന യുവാക്കളാണ് പിടിയിലായത്. ഇവരുടെ പക്കലുണ്ടായിരുന്ന ബൈക്കും കസ്്റ്റഡിയിലെടുത്തിട്ടുണ്ട്. ഇവരെ ചോദ്യം ചെയ്തു വരുന്നുണ്ട്. മെഡിക്കൽ കോളജ് പാർക്കിങ് സ്ഥലത്തുനിന്ന് വാഹനങ്ങൾ കാണാതാകുന്നത് പതിവാണ്. ഇതേത്തുടർന്ന് പ്രദേശത്ത് സി.സി.ടി.വി കാമറ വെക്കാൻ തീരുമാനിച്ചിട്ടുണ്ട്.