മട്ടന്നൂർ ശങ്കരൻകുട്ടി മാരാർക്കും വരവൂർ പത്മനാഭൻ നായർക്കും പുരസ്കാരം

ഗുരുവായൂർ: തിരുവെങ്കിടം പാനയോഗത്തി​െൻറ ഗോപി വെളിച്ചപ്പാട് സ്മാരക പുരസ്കാരം മേള വിദ്വാൻ മട്ടന്നൂർ ശങ്കരൻകുട്ടി മാരാർക്കും കല്ലൂർ ശങ്കരൻ സ്മാരക പുരസ്കാരം കൊമ്പ് കലാകാരൻ വരവൂർ പത്മനാഭൻ നായർക്കും (വരവൂർ തങ്ക) നൽകും. 11,111 രൂപയും പ്രശസ്തി പത്രവും ഫലകവും അടങ്ങുന്നതാണ് ഗോപി വെളിച്ചപ്പാട് സ്മാരക പുരസ്കാരം. 5001 രൂപയും പ്രശസ്തി പത്രവും ഫലകവും അടങ്ങുന്നതാണ് കല്ലൂർ ശങ്കരൻ സ്മാരക പുരസ്കാരം. ആഗസ്്റ്റ് ഏഴിന് രോഹിണി കല്യാണമണ്ഡപത്തിൽ 4.30ന് നടക്കുന്ന ചടങ്ങിൽ പുരസ്കാരം നൽകും. ശശി വാറനാട്ട്, ഗുരുവായൂർ ജയപ്രകാശ്, ബാലൻ വാറനാട്ട്, ഉണ്ണികൃഷ്ണൻ എടവന, മാധവൻ പൈക്കാട്ട് എന്നിവർ വാർത്ത സമ്മേളനത്തിൽ പങ്കെടുത്തു.