ദുരിതാശ്വാസ ക്യാമ്പിൽ സഹായവുമായി പ്രവാസി കോൺഗ്രസ്​

അന്തിക്കാട്: ദുരിതാശ്വാസ ക്യാമ്പിൽ കഴിയുന്ന കുടുംബങ്ങൾക്ക് സഹായവുമായി പ്രവാസി കോൺഗ്രസ്. പുത്തൻപീടിക സ​െൻറിനറി ഹാളിലെ ദുരിതാശ്വാസ ക്യാമ്പിൽ കഴിയുന്ന കുടുംബങ്ങൾക്ക് സഹായഹസ്തവുമായി അന്തിക്കാട് മണ്ഡലം പ്രവാസി കോൺഗ്രസും, ജി.സി.സി കോഓഡിനേഷൻ കമ്മിറ്റിയും ചേർന്ന് നിത്യോപയോഗ സാധനങ്ങൾ എത്തിച്ചു. കെ.പി.സി.സി അംഗം സുനിൽ അന്തിക്കാട്, പ്രവാസി കോൺഗ്രസ് മണ്ഡലം പ്രസിഡൻറ് ഉസ്മാൻ അന്തിക്കാട്, ജി.സി.സി കോഓഡിനേഷൻ ചെയർമാൻ നസീർ മുറ്റിച്ചൂർ, മണ്ഡലം കോൺഗ്രസ്കമ്മിറ്റി പ്രസിഡൻറ് വി.കെ. മോഹനൻ തുടങ്ങിയവർ നേതൃത്വം നൽകി. സ്കൂൾ വാർഷികം തളിക്കുളം: എസ്.എൻ.വി.യു.പി സ്കൂളിലെ വാർഷിക പൊതുയോഗം ഗ്രാമപഞ്ചായത്ത് പ്രസിഡൻറ് സന്ധ്യ രാമകൃഷ്ണൻ ഉദ്ഘാടനം ചെയ്തു. മാനേജർ ഇ.എ. സുഗതകുമാർ അധ്യക്ഷത വഹിച്ചു. സ്ഥിരം സമിതി അധ്യക്ഷൻ പി.ഐ. സജിത വിദ്യാഭ്യാസ അവാർഡ് വിതരണം ചെയ്തു. പ്രധാനാധ്യാപിക പി.വി. ഷീജ, പി.ആർ. രമേഷ്, ഇ.ആർ. അജിത, പി.ടി.എ പ്രസിഡൻറ് ഗിരീഷ് എന്നിവർ സംസാരിച്ചു.