റെയിൽവേ സ്​റ്റേഷനിൽ വീണ്ടും കഞ്ചാവ്​; ഒരാൾ അറസ്​റ്റിൽ

തൃശൂർ: റെയിൽവേ സ്റ്റേഷനിൽ വീണ്ടും കഞ്ചാവ് വേട്ട. രണ്ടര കിലോ കഞ്ചാവുമായി യുവാവാണ് ഇത്തവണ പിടിയിലായത്. പരപ്പനങ്ങാടി പുഴക്കലത്ത് വീട്ടിൽ മുഹമ്മദ് ജെയ്സനെയാണ് (28) റെയിൽവേ പൊലീസ് പിടികൂടിയത്. സംശയം തോന്നി ബാഗ് പരിശോധിച്ചപ്പോഴാണ് കഞ്ചാവ് കണ്ടത്. വിൽപനക്കായി കൊണ്ടുവന്നതാെണന്ന് യുവാവ് സമ്മതിച്ചതായി റെയിൽവേ പൊലീസ് അറിയിച്ചു. തുടർച്ചയായി മൂന്നാം തവണയാണ് റെയിൽവേ സ്റ്റേഷനിൽനിന്ന് കഞ്ചാവ് പിടികൂടുന്നത്. യാത്രക്കാരെന്ന വ്യാജേനയും മറ്റും സ്റ്റേഷനിലെത്തുന്ന ഇവർക്ക് സ്ഥിരം ആവശ്യക്കാരുമുണ്ടേത്ര. ഇവരെ സ്ഥിരമായി നിരീക്ഷിച്ചു വരുന്നുണ്ട്. അതിലാണ് മുഹമ്മദ് ജെയ്സൻ പിടിയിലായത്.