'ആശ വർക്കർമാരുടെ ഒാണറേറിയം വർധിപ്പിക്കണം'

തൃശൂർ: ആശ വർക്കർമാരുടെ ഒാണറേറിയം വർധിപ്പിക്കണമെന്നും അവരെ മുൻഗണന പട്ടികയിൽ ഉൾപ്പെടുത്തണമെന്നും കേരള സ്റ്റേറ്റ് ആശ വര്‍ക്കേഴ്‌സ് ഫെഡറേഷന്‍ സംസ്ഥാന കൗണ്‍സില്‍ യോഗം ആവശ്യപ്പെട്ടു. ഇതിനായി പ്രക്ഷോഭം നടത്താൻ തീരുമാനിച്ചു. പ്രഖ്യാപിക്കപ്പെട്ട ആനുകൂല്യങ്ങൾ നേടിയെടുക്കുന്നതിനായി ആഗസ്റ്റ് ഒന്നുമുതൽ സെക്രേട്ടറിയറ്റ് ഉപരോധം നടത്താനും തീരുമാനിച്ചു. സി.ഐ.ടി.യു അഖിലേന്ത്യ സെക്രട്ടറി നന്ദകുമാര്‍ ഉദ്ഘാടനം ചെയ്തു. പ്രസിഡൻറ് പി.പി. പ്രേമ അധ്യക്ഷത വഹിച്ചു. ഫെഡറേഷന്‍ സംസ്ഥാന ജനറല്‍ സെക്രട്ടറി എല്‍. ഗീത, രജനി മോഹന്‍, അജിത, ശശികല, കെ.പി. മേരി എന്നിവര്‍ സംസാരിച്ചു.