പീപ്പിൾസ്​ മീഡി​േയഷൻ സെൻറർ ഉദ്​ഘാടനം ചെയ്​തു

തൃശൂർ: നിയമ നടപടികളുടെ സങ്കീർണത ഒഴിവാക്കി യോജിപ്പിലൂടെ തർക്കങ്ങൾക്ക് പരിഹാരം കാണാൻ ജില്ലയിൽ തുടങ്ങുന്ന 13 പീപ്പിൾസ് മീഡിയേഷൻ സ​െൻററിൽ ആദ്യത്തേത് അരണാട്ടുകരയിൽ ഡെപ്യൂട്ടി മേയർ ബീന മുരളി ഉദ്ഘാടനം ചെയ്തു. സംസ്ഥാനത്ത് 140 മീഡിയേഷൻ സ​െൻററുകളാണ് സ്ഥാപിക്കുന്നത്. ഇതിൽ അഞ്ചെണ്ണത്തി​െൻറ ഉദ്ഘാടനം കഴിഞ്ഞ ദിവസം കൊച്ചിയിൽ സുപ്രീം കോടതി ജഡ്ജി ജസ്റ്റിസ് മദൻ ബി. ലോക്കുർ നിർവഹിച്ചിരുന്നു. നിലവിൽ കാലതാമസം വരുന്ന കേസുകൾ മറ്റു നടപടികൾ ഒഴിവാക്കി എളുപ്പത്തിൽ പരിഹരിക്കുകയാണ് കേന്ദ്രത്തി​െൻറ ലക്ഷ്യം. 30 ദിവസത്തിനകം പ്രശ്നം പരിഹരിക്കാനും വ്യക്തികൾ തമ്മിൽ സൗഹാർദപരമായ ബന്ധം നിലനിർത്താനും മധ്യവർത്തിയാവുകയാണ് ലക്ഷ്യം. ഇന്ത്യൻ ഇസ്റ്റിറ്റ്യൂട്ട് ഒാഫ് മീഡിയേഷൻ ആൻഡ് ആർബിട്രേഷൻ ജില്ല കോഒാഡിനേറ്റർ അഡ്വ. പി. പോൾ അധ്യക്ഷത വഹിച്ചു. സ​െൻറർ സംസ്ഥാന സെക്രട്ടറി എഡിസൺ ഫ്രാൻസിസ് വിശിഷ്ടാതിഥിയായിരുന്നു. കൗൺസിലർമാരായ ലാലി ജെയിംസ്, പ്രിൻസി രാജു, അംബാസഡർ ജയൻ കോലാരി, റിയാസ് അട്ടശ്ശേരി, എ.എൻ. ചന്ദ്രൻ, സനിൽ ഡോൾഫി, ധനേഷ് കെ. തറയിൽ എന്നിവർ സംസാരിച്ചു.