കടൽക്ഷോഭം: വാടാനപ്പള്ളിയിൽ 30 കുടുംബങ്ങളെ മാറ്റിപ്പാർപ്പിച്ചു

വാടാനപ്പള്ളി: തീരമേഖലയില്‍ മഴയും കടൽക്ഷോഭത്തിലും വീട് തകര്‍ന്നവരെയും വെള്ളക്കെട്ട് ഭീഷണി നേരിടുന്നവരെയും ദുരിതാശ്വാസ ക്യാമ്പിലേക്ക് മാറ്റി. കേന്ദ്രത്തിലുള്ള മുപ്പതോളം കുടുംബങ്ങള്‍ക്ക് ഭക്ഷണവും മറ്റ് സൗകര്യവും പഞ്ചായത്ത് പ്രസിഡൻറ് ഷിജിത്ത് വടക്കുഞ്ചേരിയുടെ നേതൃത്വത്തില്‍ വില്ലേജ് ഓഫിസറുടെ സഹായത്തോടെ ഒരുക്കിയിട്ടുണ്ട്. സി.എന്‍. ജയദേവന്‍ എം.പി, എം.എല്‍.എമാരായ മുരളി പെരുനെല്ലി, പ്രഫ.കെ.യു. അരുണന്‍, ജില്ല പഞ്ചായത്ത് ആരോഗ്യ, വിദ്യാഭ്യാസ സ്റ്റാൻഡിങ് കമ്മിറ്റി ചെയര്‍പേഴ്സൻ മഞ്ജുള അരുണന്‍, തളിക്കുളം ബ്ലോക്ക് പ്രസിഡൻറ് ഡോ.സുഭാഷിണി മഹാദേവന്‍ എന്നിവർ ക്യാമ്പ് സന്ദര്‍ശിച്ചു.