കൊച്ചിൻ ദേവസം ബോർഡ് ആനകൾക്ക് സുഖചികിത്സ നാളെ തുടങ്ങും

തൃശൂർ: കൊച്ചിൻ ദേവസ്വം ബോർഡിലെ ആനകൾക്ക് ആരോഗ്യസംരക്ഷണത്തിനും ശരീരപുഷ്ടിക്കും വേണ്ടി ഒരു മാസം നീളുന്ന സുഖ ചികിത്സ ബുധനാഴ്ച തുടങ്ങും. ഉച്ചകഴിഞ്ഞ് മൂന്നിന് വടക്കുന്നാഥ ക്ഷേത്രത്തിൽ ബോർഡ് പ്രസിഡൻറ് ഡോ. എം.കെ. സുദർശൻ ഉദ്ഘാടനം ചെയ്യും. ച്യവനപ്രാശം, അരി, അഷ്ടചൂർണം, മഞ്ഞൾപ്പൊടി, ഉപ്പ്, വിവിധങ്ങളായ സിറപ്പുകളും ഗുളികകളും ചേർത്തുള്ള ചോറുരുളയാണ് സുഖചികിത്സയുടെ ഭാഗമായി നൽകുന്നത്. ബോർഡിന് 10 ആനകളാണുള്ളത്.