മരം ഒടിഞ്ഞ് വീണ് വൈദ്യുതി കമ്പി പൊട്ടി

ചാലക്കുടി: പൂലാനിനിലംപതി എസ്.സി കോളനി റോഡിൽ കനത്ത മഴയിലും കാറ്റിലും മരം ഒടിഞ്ഞു വീണു വൈദ്യുതി കമ്പികൾ പൊട്ടി. എസ്.സി കോളനി റോഡിൽ കാറ്റിൽ മരം വീഴുന്നത് പതിവാണ്. റോഡിലേക്ക് നിൽക്കുന്ന മരങ്ങൾ വെട്ടിമാറ്റണമെന്ന് നാട്ടുകാർ നിരന്തരം ആവശ്യപ്പെട്ടിരുന്നു. എന്നാൽ കെ.എസ്.ഇ.ബി അധികൃതർ ഒരു നടപടിയും സ്വീകരിച്ചിട്ടില്ല. വിദ്യാർഥികളടക്കം നിരവധി പേർ യാത്ര ചെയ്യുന്ന റോഡിൽ അപകടസാധ്യത കൂടുതലായതിനാൽ അപകടകരമായി നിൽക്കുന്ന മരങ്ങൾ വെട്ടിമാറ്റണമെന്നാണ് ആവശ്യം.