അപകട ഭീഷണി ഉയര്‍ത്തി വൈദ്യുതി പോസ്​റ്റ്

ഇരിങ്ങാലക്കുട: കൂടല്‍മാണിക്യം ക്ഷേത്രത്തിനടുത്ത മഹാത്മഗാന്ധി ലൈബ്രറിക്കു സമീപത്തെ വൈദ്യുതി പോസ്റ്റ് ചരിഞ്ഞ് അപകട ഭീതി ഉയർത്തുന്നു. നാലമ്പല തീർഥാടകരുടെ തിരക്കിലേക്ക് പ്രദേശം നീങ്ങുകയാണ്. വാര്‍ഡ് മുന്‍ജനപ്രതിനിധി വൈദ്യുതി ഓഫിസില്‍ നേരില്‍ ചെന്ന് പല തവണ പരാതി നൽകിയിട്ടും നടപടി സ്വീകരിച്ചിട്ടില്ല. നാലമ്പല തീർഥാടകരുടെ സുരക്ഷ കണക്കിലെടുത്ത് ഇലക്ട്രിസിറ്റി ബോർഡും കൂടല്‍മാണിക്യം ദേവസ്വവും വേണ്ട നടപടി സ്വീകരിക്കണമെന്ന് പ്രദേശവാസികള്‍ ആവശ്യപ്പെട്ടു.