ഇലക്​ട്രിസിറ്റി ബോർഡ്​ കരാർ തൊഴിലാളികൾ പണിമുടക്കിലേക്ക്​

തൃശൂർ: ഇലക്ട്രിസിറ്റി ബോർഡ് കോൺട്രാക്ട് വർക്കേഴ്സ് അസോസിയേഷ​െൻറ (സി.െഎ.ടി.യു) നേതൃത്വത്തിലുള്ള കരാർ തൊഴിലാളികൾ പണിമുടക്കിലേക്ക്. ഇതി​െൻറ മുന്നോടിയായി വിവിധ ആവശ്യങ്ങൾ ഉന്നയിച്ച് 16 മുതൽ മൂന്നു ദിവസം കോട്ടപ്പുറത്ത് ജില്ല വൈദ്യുതി ഭവന് മുന്നിൽ സത്യഗ്രഹം നടത്തുമെന്ന് ഭാരവാഹികൾ അറിയിച്ചു. 2004ന് മുമ്പ് േബാർഡിൽ കരാർ തൊഴിലാളിയായി 1,200 ദിവസം ജോലി ചെയ്തവരെ സ്ഥിരപ്പെടുത്താൻ ലേബർ കോടതിയും സുപ്രീം കോടതിയും ഉത്തരവിട്ടിരുന്നു. ഇത് നടപ്പായാൽ 1400ഒാളം പേർക്ക് ബോർഡിൽ സ്ഥിരം നിയമനം ലഭിക്കും. എന്നാൽ, സംവരണം ക്രമം നിശ്ചയിക്കാനും ജില്ല തിരിച്ചുള്ള പട്ടിക തയാറാക്കാനുമായി മാസങ്ങളായി ഫയൽ പി.എസ്.സിയുടെ കൈയിലാണ്. നിയമനം വേഗത്തിലാക്കണമെന്നാണ് അസോസിയേഷ​െൻറ പ്രധാന ആവശ്യം. ജീവനക്കാരുടെ ശമ്പളത്തി​െൻറ 25ൽ ഒന്ന് എന്ന ക്രമത്തിൽ ദിവസ വേതനം നിശ്ചയിക്കുക, കരാർ തൊഴിലാളികളുടെ പട്ടിക പ്രസിദ്ധീകരിക്കുക, തിരിച്ചറിയൽ കാർഡ് നൽകുക, ആശ്രിതർക്ക് നിയമനം നൽകുക, നിലവിലുള്ള പെറ്റി കോൺട്രാക്ടർമാരെ ഒഴിവാക്കാനുള്ള നീക്കം ഉപേക്ഷിക്കുക, ട്രാൻസ്മിഷൻ സബ് സ്റ്റേഷനുകളിൽ നിലവിലുള്ള ഒാപറേറ്റർമാരെ ഒഴിവാക്കി പാർശ്വവർത്തികളെ നിയമിക്കുന്നത് അവസാനിപ്പിക്കുക എന്നിവയാണ് മറ്റാവശ്യങ്ങൾ. 16ന് രാവിലെ 10.30ന് സി.െഎ.ടി.യു ജില്ല സെക്രട്ടറി യു.പി. ജോസഫ് ഉദ്ഘാടനം ചെയ്യും. വാർത്തസമ്മേളനത്തിൽ അേസാസിയേഷൻ പ്രസിഡൻറ് ഒ.എ. സുകുമാരൻ, ജില്ല പ്രസിഡൻറ് കെ.വി. ജോസ്, വൈസ് പ്രസിഡൻറ് പോൾ, സെക്രട്ടറി പി.വി. സുകുമാരൻ എന്നിവർ പെങ്കടുത്തു.