ഗാന്ധി രക്തസാക്ഷിത്വ വാർഷികം: വീടുതോറും കാമ്പയിൻ നടത്തും -മന്ത്രി എ.കെ. ബാലൻ

തൃശൂർ: ഗാന്ധി രക്തസാക്ഷിത്വത്തി​െൻറ 70ാം വാർഷികാചരണത്തോടനുബന്ധിച്ച് സാംസ്കാരിക വകുപ്പ് വീടുകൾ തോറും കാമ്പയിൻ നടത്തുമെന്ന് മന്ത്രി എ.കെ. ബാലന്‍ പറഞ്ഞു. സംഗീത നാടക അക്കാദമിയുടെ 2017ലെ പുരസ്‌കാരങ്ങളും രാജ്യാന്തര നാടകോത്സവത്തി​െൻറ (ഇറ്റ്ഫോക്ക്) മാധ്യമ പുരസ്‌കാരങ്ങളും വിതരണം ചെയ്യുകയായിരുന്നു അദ്ദേഹം. സാംസ്‌കാരിക പൊതുബോധത്തി​െൻറ നല്ല തലങ്ങള്‍ മാറി. സാംസ്‌കാരിക ചരിത്രത്തില്‍ ഉണ്ടായിരുന്നവര്‍ പലരും തിരസ്‌കരിക്കപ്പെട്ടു. ഈ അവസ്ഥക്ക് മാറ്റം വരണം. സാംസ്‌കാരിക ഉന്നമനത്തിലൂടെയാണ് ഇത് സാധ്യമാവുക. രക്തസാക്ഷിത്വത്തി​െൻറ 70ാം വാർഷികം ഒരു വർഷം നീളുന്ന പരിപാടികളോടെ ആചരിക്കുന്നതും വീടുകൾ തോറും കാമ്പയിൻ നടത്തുന്നതും അതിനു വേണ്ടിയാണ്. ഒക്േടാബറിൽ വാർഷികാചാരണത്തിന് തുടക്കം കുറിക്കും. ഇൗ വർഷം മുതൽ വനിതകൾക്ക് സാംസ്ക്കാരിക മേള നടത്തും. വിവിധ പുരസ്കാരങ്ങളുടെ തുക വർധിപ്പിക്കും. അവശ കലാകാരന്മാര്‍ക്ക് ചികിത്സ ചെലവായി ഒരു ലക്ഷം രൂപ നല്‍കും. കലാകാരന്മാര്‍ക്ക് മികച്ച അവസരങ്ങള്‍ ലഭ്യമാക്കാന്‍ പദ്ധതി രൂപപ്പെടുത്തും. 14 ജില്ലകളില്‍ 50 കോടി ചെലവില്‍ സാംസ്‌കാരിക സമുച്ചയം നിര്‍മിക്കുന്നതി​െൻറ വിശദ പ്രോജക്ട് റിേപ്പാർട്ട് (ഡി.പി.ആർ) തയാറായി. സംസ്ഥാനത്ത് 100 ഗ്രാമീണ നാടക തിയറ്ററുകൾ പണിയും. 200 പേർക്ക് ഇരിക്കാവുന്നവയാകും ഇവ. കലാകാരന്മാരെ പ്രോത്സാഹിപ്പിക്കുന്നതി​െൻറ ഭാഗമായി നാട്ടരങ്ങ്, നാടന്‍ കല പ്രദര്‍ശനം, കലയുല്‍പന്നങ്ങളുടെ വിപണനം, കലാഭവനം, സാംസ്‌കാരിക കൗണ്‍സില്‍ എന്നിവ ആരംഭിക്കുമെന്നും മന്ത്രി പറഞ്ഞു. സംഗീത നാടക അക്കാദമി ചെയര്‍പേഴ്‌സൻ കെ.പി.എ.സി. ലളിത അധ്യക്ഷത വഹിച്ചു. വൈസ് െചയർമാൻ സേവ്യർ പുൽപ്പാട് അവാർഡ് ജേതാക്കളെ പരിചയപ്പെടുത്തി. സാഹിത്യ അക്കാദമി പ്രസിഡൻറ് വൈശാഖൻ, അക്കാദമി ഫെലോഷിപ് േജതാക്കളായ കെ.എം. രാഘവൻ നമ്പ്യാർ, പെരുമ്പാവൂർ ജി. രവീന്ദ്രനാഥ്, ഗോപിനാഥ് മുതുകാട് എന്നിവർ സംസാരിച്ചു. അക്കാദമി സെക്രട്ടറി എൻ. രാധാകൃഷ്ണൻ സ്വാഗതവും നിർവാഹക സമിതിയംഗം വി.ഡി. പ്രേംപ്രസാദ് നന്ദിയും പറഞ്ഞു. അക്കാദമി സംഘടിപ്പിച്ച സംസ്ഥാന ലഘുനാടകം, ബംഗളൂരു, ഡൽഹി, െകാൽക്കത്ത, മുംബൈ എന്നിവിടങ്ങളിൽ സംഘടിപ്പിച്ച പ്രവാസി അേമച്വർ നാടകം എന്നീ മത്സരങ്ങളുടെ പുരസ്കാരങ്ങളും വിതരണം ചെയ്തു. കലാമണ്ഡലം വൈസ് ചാൻസലർ ഡോ. ടി.കെ. നാരായണൻ സമർപ്പണം നടത്തി.