തീരദേശ വാസികൾക്ക്​ പരിശീലന ക്ലാസ്​

എറിയാട്: കടൽക്ഷോഭം ഉൾപ്പെടെ പ്രകൃതിക്ഷോഭങ്ങൾ നേരിടുന്നതി​െൻറ ഭാഗമായി ദേശീയ ദുരന്തനിവാരണ സേന മോക്ഡ്രില്ലും തീരദേശ വാസികൾക്കായി പരിശീലന ക്ലാസും നടത്തി. പ്രകൃതിദുരന്തങ്ങളിൽ നിന്ന് ആളുകളെ രക്ഷിക്കുന്ന രീതികളും പ്രായോഗിക പരിശീലന ക്ലാസിൽ അവതരിപ്പിച്ചു. ഇൻസ്പെക്ടർ അനീഷ് ജോസഫ്, പ്രതീഷ് എന്നിവർ ക്ലാസുകൾക്ക് നേതൃത്വം നൽകി. തമിഴ്നാട്ടിലെ ആർക്കോണത്തു നിന്ന് അസി. കമാൻഡൻഡ് പി.എം. ജിതേഷി​െൻറ നേതൃത്വത്തിൽ ദേശീയ ദുരന്തനിവാരണ സേനയുടെ ഇരുപതംഗ നാലാം ബറ്റാലിയനാണ് സ്ഥലത്തെത്തിയത്. തഹസിൽദാർ കെ.വി. തോമസ്, പഞ്ചായത്ത് പ്രസിഡൻറ് പ്രസാദിനി മോഹനൻ, അഡീഷനൽ തഹസിൽദാർ ജെസി സേവ്യർ, പഞ്ചായത്തംഗങ്ങൾ എന്നിവർ പങ്കെടുത്തു.