ആദായനികുതി ഓഫിസിലേക്ക് അംഗൻവാടി ജീവനക്കാരുടെ മാർച്ച്

തൃശൂർ: വിവിധ ആവശ്യങ്ങളുന്നയിച്ച് അംഗന്‍വാടി വര്‍ക്കേഴ്‌സ് ആൻഡ് ഹെൽപേഴ്‌സ് അസോസിയേഷന്‍ തൃശൂര്‍ ആദായ നികുതി ഓഫിസിലേക്ക് മാര്‍ച്ചും ധര്‍ണയും നടത്തി. കെ.ഡി.എസ് സ്വകാര്യവത്കരണം ഉപേക്ഷിക്കുക, ഐ.എല്‍.സി നിർദേശ പ്രകാരമുള്ള മിനിമം വേതനം നടപ്പാക്കുക തുടങ്ങിയ ആവശ്യങ്ങളുന്നയിച്ചായിരുന്നു സമരം. സി.ഐ.ടി.യു സംസ്ഥാന സമിതി അംഗം കെ.വി. ഹരിദാസ് ഉദ്ഘാടനം ചെയ്തു. അംഗന്‍വാടി വര്‍ക്കേഴ്‌സ് ആൻഡ് ഹെല്‍പ്പേഴ്‌സ് അസോസിയേഷന്‍ ജില്ല പ്രസിഡൻറ് എസ്. ലീലാവതി, സെക്രട്ടറി കെ.കെ. പ്രസന്നകുമാരി എന്നിവര്‍ സംസാരിച്ചു.