ഡി.വൈ.എഫ്.ഐക്ക് ട്രാൻസ്ജെൻഡർ ഉപസമിതി

കൊടുങ്ങല്ലൂർ: ഡി.വൈ.എഫ്.െഎ കൊടുങ്ങല്ലൂർ ബ്ലോക്ക് കമ്മിറ്റിയുടെ കീഴിൽ ട്രാൻസ്ജെൻഡർ സബ്് കമ്മിറ്റി രൂപവത്കരിച്ചു. 'ജ്വാല' എന്നായിരിക്കും ഈ സമിതി അറിയപ്പെടുക. പ്രസിഡൻറായി സാന്ദ്രയെയും, സെക്രട്ടറിയായി ഷഫ്നയെയും തിരഞ്ഞെടുത്തു. ഭിന്നലിംഗക്കാർ അഭിമുഖീകരിക്കുന്ന സാമൂഹ്യ പ്രശ്നങ്ങളുടെ സാഹചര്യത്തിലാണ് ഡി.വൈ.എഫ്.െഎ ഇത്തരം ഉദ്യമവുമായി മുന്നോട്ട് വന്നിരിക്കുന്നത്. കൊടുങ്ങല്ലൂർ ഗവ. റെസ്റ്റ് ഹൗസിൽ നടന്ന രൂപവത്കരണ യോഗം ഗുരുവായൂർ നഗരസഭ സ്ഥിരം സമിതി അധ്യക്ഷൻ കെ.വി. വിവിധ് ഉദ്ഘാടനം ചെയ്തു. ഷഫ്ന അധ്യക്ഷത വഹിച്ചു. ബ്ലോക്ക് പ്രസിഡൻറ് ബിബിൻ പി. ദാസ്, സെക്രട്ടറി പി.എച്ച്്. നിയാസ്, മൃദുല ഗിരീഷ് എന്നിവർ സംസാരിച്ചു. ബസിൽ വെച്ച് ട്രാൻസ്ജെൻഡർ ആക്രമിക്കപ്പെട്ട സംഭവത്തിൽ കർശന നടപടി വേണമെന്ന് യോഗം ആവശ്യപ്പെട്ടു.