ഗെയിൽ പദ്ധതി: കിസാൻ സഭ വില്ലേജ് ഓഫിസ് മാർച്ച് നടത്തി

മാള: സർക്കാർ നിശ്ചയിച്ച തുഛമായ വിലയ്ക്ക് പൊയ്യ പഞ്ചായത്ത് പരിധിയിൽ ഗെയില്‍ പ്രകൃതിവാതക പൈപ്പ് ലൈന്‍ പദ്ധതിക്കായി സ്ഥലം വിട്ടുനൽകിയവർക്ക് അടിയന്തരമായി നഷ്ടപരിഹാരം നൽകണമെന്ന് കിസാൻസഭ ജില്ല പ്രസിഡൻറ് കെ.വി. വസന്ത്കുമാർ ആവശ്യപ്പെട്ടു. പൊയ്യ പഞ്ചായത്ത് കിസാൻ സഭയുടെ നേതൃത്വത്തിൽ നടത്തിയ വില്ലേജ് ഓഫിസ് മാർച്ചും ധർണയും ഉദ്ഘാടനം ചെയ്യുകയായിരുന്നു അദ്ദേഹം. ജോജി ജോർജ്, എ.എ. ഹക്കീം, യു.കെ. ദിനേശൻ, സുനന്ദരാജൻ, സി.എൻ. സുധാർജൻ, പി.എസ്. രാജേഷ് എന്നിവർ സംസാരിച്ചു.