അളഗപ്പനഗർ ഹയർസെക്കൻഡറിയിൽ മികവുത്സവം

ആമ്പല്ലൂര്‍: അളഗപ്പനഗര്‍ പഞ്ചായത്ത് ഹയര്‍ സെക്കൻഡറി സ്‌കൂളിലെ മികവുത്സവം മന്ത്രി പ്രഫ. സി. രവീന്ദ്രനാഥ് ഉദ്ഘാടനം ചെയ്തു. എസ്.എസ്.എൽ.സി പരീക്ഷയില്‍ ഉയര്‍ന്ന വിജയം കരസ്ഥമാക്കിയ കുട്ടികളെ മന്ത്രി അനുമോദിച്ചു. അളഗപ്പനഗര്‍ പഞ്ചായത്ത് പ്രസിഡൻറ് കെ. രാജേശ്വരി അധ്യക്ഷത വഹിച്ചു. ജില്ല പഞ്ചായത്തംഗം ജയന്തി സുരേന്ദ്രന്‍, പ്രധാനാധ്യാപിക സിനി എം. കുര്യാക്കോസ്, പ്രിന്‍സിപ്പല്‍ ജി. ശ്രീലത, പഞ്ചായത്ത് സ്ഥിരം സമിതി അധ്യക്ഷൻ ടെസി വില്‍സണ്‍, പി.ടി.എ പ്രസിഡൻറ് വി.എസ്. പ്രിന്‍സ്, ആമ്പല്ലൂര്‍ സര്‍വിസ് സഹകരണ ബാങ്ക് പ്രസിഡൻറ് വി.കെ. സുബ്രഹ്മണ്യന്‍, മുന്‍ പ്രധാനാധ്യാപകന്‍ സി. രാജേന്ദ്രകുമാര്‍ എന്നിവർ സംസാരിച്ചു.