പേരാമ്പ്ര-കനകമല റോഡില്‍ കുഴികള്‍ നിറഞ്ഞു

കൊടകര: പഞ്ചായത്തിലെ പേരാമ്പ്ര -കനകമല റോഡില്‍ കുഴികള്‍ നിറഞ്ഞത് ഇതുവഴിയുള്ള യാത്ര ദുരിതമായി. കനകമല -ചാലക്കുടി റോഡിനേയും ദേശീയപാത 47 നേയും ബന്ധിപ്പിക്കുന്ന ഈ റോഡില്‍ പേരാമ്പ്ര ഭാഗത്താണ് കുഴികള്‍ നിറഞ്ഞിരിക്കുന്നത്. ദിവസേന നൂറുകണക്കിന് വാഹനങ്ങള്‍ കടന്നുപോകുന്ന റോഡില്‍ മഴക്കാലമായതോടെ ചളിവെള്ളം കെട്ടിക്കിടക്കുന്നതും യാത്രക്കാര്‍ക്ക് ദുരിതമായി. റോഡ് അറ്റകുറ്റപണി നടത്തി സഞ്ചാരയോഗ്യമാക്കാന്‍ എത്രയും വേഗം നടപടിയുണ്ടാകണമെന്ന് നാട്ടുകാര്‍ ആവശ്യപ്പെട്ടു.