ഐ.എൻ.ടി.യു.സി മണ്ഡലം കൺവെൻഷൻ

വേലൂർ: ഐ.എൻ.ടി.യു.സി വേലൂർ മണ്ഡലം കമ്മിറ്റി കൺവെൻഷനും ചന്ദ്രൻ വട്ടംപറമ്പിൽ വിദ്യാഭ്യാസ പുരസ്കാര വിതരണവും നടന്നു. ഐ.എൻ.ടി.യു.സി ജില്ല പ്രസിഡൻറ് സുന്ദരൻ കുന്നത്തുള്ളി ഉദ്ഘാടനം ചെയ്തു. ജില്ല സെക്രട്ടറി സുരേഷ് മമ്പറമ്പിൽ അധ്യക്ഷത വഹിച്ചു. യു.ഡി.എഫ് ജില്ല ചെയർമാൻ ജോസഫ് ചാലിശ്ശേരി മുഖ്യ പ്രഭാഷണം നടത്തി. എസ്.എസ്.എൽ.സി, പ്ലസ് ടു പരീക്ഷയിൽ ഉന്നത വിജയം നേടിയ വിദ്യാർഥികൾക്ക് കോൺഗ്രസ് ബ്ലോക്ക് പ്രസിഡൻറ് വി. കേശവൻ, ജില്ല സെക്രട്ടറി ടി.കെ. ശിവശങ്കരൻ എന്നിവർ പുരസ്കാരം വിതരണം ചെയ്തു. മഹിള കോൺഗ്രസ് മണ്ഡലം പ്രസിഡൻറ് സ്വപ്ന രാമചന്ദ്രൻ, ഐ.എൻ.ടി.യു.സി മണ്ഡലം പ്രസിഡൻറ് മാക്കേത്ത് ഗോവിന്ദൻ കുട്ടി, ജോസ് വടക്കൻ, പി.പി. രാമചന്ദ്രൻ, നിധീഷ് ചന്ദ്രൻ വട്ടംപറമ്പിൽ എന്നിവർ സംസാരിച്ചു.