എൽ.ഐ.സി ഏജൻറ്​ ഫെഡറേഷൻ ജില്ല സമ്മേളനം

തൃശൂർ: ഒാൾ ഇന്ത്യ എൽ.ഐ.സി ഏജൻറ് ഫെഡറേഷ‍‍​െൻറ ജില്ല സമ്മേളനം ജൂലൈ പത്തിന് സാഹിത്യ അക്കാദമി ഹാളിൽ നടക്കും. എൽ.ഐ.സി ഏജൻറുമാർക്ക് പെൻഷൻ, ക്ഷേമനിധി, ഇ.എസ്.ഐ എന്നീ ആനുകൂല്യങ്ങൾ നടപ്പാക്കണമെന്നും ഡ്യൂപ്ലിക്കറ്റ് ബോണ്ടിനുള്ള സ്റ്റാമ്പ് ഡ്യൂട്ടി 500 രൂപയാക്കി വർധിപ്പിച്ചത് കുറക്കണമെന്നും ഏജൻറുമാരെ എൽ.ഐ.സിയുടെ തൊഴിലാളികളായി അംഗീകരിക്കണമെന്നും ജില്ല പ്രസിഡൻറ് സി.പി. നാരായണൻ ആവശ്യപ്പെട്ടു. വാർത്തസമ്മേളനത്തിൽ ജില്ല സെക്രട്ടറി ഇ.വി. വിനീഷ്, വൈസ് പ്രസിഡൻറ് കെ.എസ്. സുജാത, ജോ. സെക്രട്ടറി എൻ.ശേഖർ എന്നിവർ പങ്കെടുത്തു.