പുലിക്കളി ആലോചനാ യോഗം നാളെ

തൃശൂർ: പുലിക്കളിയാഘോഷത്തി​െൻറ ഒരുക്കങ്ങളിലേക്ക് കോർപറേഷൻ കടക്കുന്നു. പുലിക്കളിയാഘോഷ സംഘാടനത്തി​െൻറ ആലോചനാ യോഗം കോർപറേഷൻ കൗൺസിൽ ഹാളിൽ തിങ്കളാഴ്ച രാവിലെ 11ന് നടക്കും. പുലിക്കളിയിൽ പങ്കെടുക്കാൻ ഉദ്ദേശിക്കുന്ന ടീമുകളുടെ ഭാരവാഹികൾ, കഴിഞ്ഞ വർഷത്തെ കമ്മിറ്റിയംഗങ്ങൾ എന്നിവർ പങ്കെടുക്കണമെന്ന് മേയർ അറിയിച്ചു. കഴിഞ്ഞ വർഷം 1.5 ലക്ഷമായിരുന്നു ടീമുകൾക്ക് നൽകിയിരുന്നത്. ആദ്യമായി പുലിക്കളി പ്രദർശനത്തിനും സമ്മാനം ഏർപ്പെടുത്തിയിരുന്നു. ഇത്തവണ തുക വർധിപ്പിക്കുന്നത് സംബന്ധിച്ച് യോഗത്തിൽ തീരുമാനമെടുക്കും.