'ഒൗവർ ഗൗരി' ഇന്ന്​ തൃശൂർ പ്രസ്​ക്ലബിൽ

തൃശൂർ: തൃശൂർ പ്രസ്ക്ലബി​െൻറ പ്രതിമാസ സിനിമ പ്രദർശനം എട്ടിന് ഞായറാഴ്ച രാവിലെ 11ന് സംവിധായകൻ പ്രിയനന്ദനൻ ഉദ്ഘാടനം ചെയ്യും. കൊല്ലപ്പെട്ട മാധ്യമ പ്രവർത്തക ഗൗരി ലങ്കേഷി​െൻറ ജീവിതം പറയുന്ന 'ഒൗവർ ഗൗരി' ഡോക്യുമ​െൻററിയോടെയാണ് പ്രദർശനം തുടങ്ങുക. തൃശൂർ ചലച്ചിത്രകേന്ദ്രം ഡയറക്ടർ ചെറിയാൻ ജോസഫ് സംസാരിക്കും. ഭയരഹിത മാധ്യമ പ്രവർത്തനം നടത്തിവന്ന ഗൗരിലേങ്കഷി​െൻറ രാഷ്ട്രീയ ജീവിതത്തി​െൻറ വിവിധ ഘട്ടങ്ങളെ കൂട്ടിയോജിപ്പിച്ച് നടത്തുന്ന യാത്രയാണ് 67 മിനിറ്റുള്ള ഡോക്യുമ​െൻററിയിലൂടെ സംവിധായകൻ ദീപു ചിത്രീകരിച്ചിട്ടുള്ളത്. തൃശൂർ ചലച്ചിത്ര കേന്ദ്രവുമായി സഹകരിച്ചാണ് പ്രദർശനം.