ഗ്രാമസഭ മാറ്റിവെച്ചു; മെമ്പറുടെ നേതൃത്വത്തില്‍ കാന വൃത്തിയാക്കി

അണ്ടത്തോട്: ഗ്രാമസഭ മാറ്റിവെച്ചതിനെത്തുടർന്ന് വാർഡ് അംഗത്തി​െൻറ നേതൃത്വത്തിൽ കാന വൃത്തിയാക്കി. പഞ്ചായത്ത് പ്രസിഡൻറും ബന്ധപ്പെട്ട ഉദ്യോഗസ്ഥരും പങ്കെടുക്കാത്തതിനാലാണ് പുന്നയൂര്‍ക്കുളം പഞ്ചായത്ത് 18ാം വാര്‍ഡ് ഗ്രാമസഭ മാറ്റിവെച്ചത്. എന്നാൽ മഴക്കാലമായതോടെ പ്ലാസ്റ്റിക് മാലിന്യം ജനങ്ങള്‍ക്ക് ബുദ്ധിമുട്ടാകും വിധത്തില്‍ റോഡിലും കാനയിലും പരന്നതായി ഗ്രാമസഭയിൽ പെങ്കടുക്കാൻ എത്തിയവർ അറിയിച്ചു. വി.കെ. മുഹമ്മദ്, അഷ്റഫ് ചാലില്‍, ഹുസൈന്‍ വലിയകത്ത്, ഹസ്‌ലം കാണക്കോട്ട്, സിദ്ദീഖ് തൈവളപ്പില്‍ എന്നിവരാണ് മാലിന്യ പ്രശ്നം ഉന്നയിച്ചത്. തുടർന്ന് വാര്‍ഡ് മെമ്പറായ സലീന മൊയ്തീ​െൻറ നേതൃത്വത്തിൽ ശുചീകരണം നടത്തുകയായിരുന്നു. ഇതര സംസ്ഥാന തൊഴിലാളികളും പരിസരവാസികളായ മുന്‍ പഞ്ചായത്ത് അംഗം വി.കെ. യൂസഫ്, െസയ്ത് സുലൈമാന്‍, എച്ച്.എ. മൊയ്തീന്‍, അബുചിറ്റയില്‍, സഫിയ മുഹമ്മദ് മറ്റ് വീട്ടുകാരും ചേര്‍ന്ന് അണ്ടത്തോട് സ​െൻറര്‍ മുതല്‍ പാലം വരെയുള്ള കാനയില്‍ അടിഞ്ഞ് കൂടിയ മാലിന്യമാണ് വൃത്തിയാക്കിയത്.