മോട്ടോർ വാഹന വകുപ്പ് പരിശോധന: അഞ്ച് ലക്ഷം പിഴയീടാക്കി

തൃശൂർ: ജില്ലയില്‍ മോട്ടോര്‍ വാഹനവകുപ്പി​െൻറ സോണ്‍ പരിശോധനയിൽ 5.85 ലക്ഷം പിഴയീടാക്കി. ഹെല്‍മറ്റ് ധരിക്കാത്തവര്‍, ഡ്രൈവിങിനിടെ മൊബൈല്‍ ഫോണ്‍ ഉപയോഗിച്ചവര്‍, സീറ്റ് ബെല്‍റ്റ് ധരിക്കാത്തവര്‍, എയര്‍ഹോണ്‍ ഉപയോഗിച്ചവര്‍, പുക പരിശോധന സര്‍ട്ടിഫിക്കറ്റ് ഇല്ലാത്തവര്‍, വാതിൽ ഘടിപ്പിക്കാത്ത ബസ്, യാത്രികര്‍ക്ക് ടിക്കറ്റ് നല്‍കാത്തവര്‍, കുട്ടികളെ കുത്തിനിറച്ചു കൊണ്ടുപോയ സ്‌കൂള്‍ വാഹനങ്ങള്‍, എന്നിങ്ങനെ വിവിധ തലത്തിലുളള നിയമലംഘകരാണ് കുടുങ്ങിയത്.