ദേശീയപാത വികസനം: എം.എൽ.എ ഇടപെടണം -ആക്ഷൻ കൗൺസിൽ

ചാവക്കാട്‌: ദേശീയപാത വികസനത്തി​െൻറ പേരിൽ പ്രയാസമനുഭവിക്കുന്നവരുടെ വിഷയത്തിൽ ഗുരുവായൂർ എം.എൽ.എ അടിയന്തിരമായി ഇടപെടണമെന്ന് എൻ.എച്ച്‌ ആക്ഷൻ കൗൺസിൽ ഉത്തര മേഖല കൺവീനർ സി. ഷറഫുദ്ധീൻ ആവശ്യപ്പെട്ടു. പുതിയ വിജ്ഞാപനമനുസരിച്ചുള്ള അലൈമ​െൻറിൽ വ്യാപക ക്രമക്കേടുകൾ കണ്ടെത്തിയിട്ടുണ്ട്‌. ഭൂമി ഏറ്റെടുക്കൽ നേരത്തെ ബാധിച്ചവരെ വീണ്ടും ബാധിക്കുന്ന സ്ഥിതിയാണുള്ളത്‌. പഴയ വീടുകൾ പുനർനിർമിച്ചവർ നേരത്തെയുള്ള അലൈൻമ​െൻറിൽ നിന്നും മാറി പഞ്ചായത്തിൽ നിന്ന് അനുമതി വാങ്ങി നിർമിച്ചവയെയും ബാധിക്കും. ഇത്‌ ഒരിക്കലും നീതീകരിക്കാനാവില്ല. തുല്യമായി ഭൂമിയേറ്റെടുക്കുമെന്ന സർക്കാറി​െൻറ പ്രഖ്യാപനംപോലും നടപ്പായില്ല. സ്വന്തം മണ്ഡലത്തിലെ ജനങ്ങളുടെ വിഷയത്തിൽ ഇടപെടാൻ ജനപ്രതിനിധി എന്ന നിലയിൽ ഉത്തരവാദിത്തമുണ്ട്‌. ഇരകളെ വീണ്ടും ഇരകളാക്കുന്ന നടപടി അവസാനിപ്പിക്കണമെന്നും ആവശ്യപ്പെട്ടു.